Ռուսաստանը ուժեղացնում է իր ապատեղեկատվական արշավը Հայաստանում․ Կալլաս
Եվրամիությունը 15 միլիոն եվրո է հատկացրել Հայաստանին աջակցության ծրագրի շրջանակներում։ Այս մասին Բրյուսելում ՀՀ արտաքին գործերի նախարար արարատ Միրզոյանի հետ մամուլի ասուլիսում հայտարարել է ԵՄ արտաքին գործերի և անվտանգության քաղաքականության հարցերով գերագույն ներկայացուցիչ Կայա Կալլասը։
Նրա խոսքով՝ այս միջոցները կօգնեն Հայաստանին ֆինանսավորել վստահության ամրապնդմանն ուղղված գործողությունները։
«Միևնույն ժամանակ, Հայաստանը բախվում է այլ մարտահրավերների։ Հաջորդ տարվա խորհրդարանական ընտրություններից առաջ Ռուսաստանը և նրա լիազորված անձինք ակտիվացնում են ապատեղեկատվական արշավները Հայաստանում։ Մենք տեսնում ենք նույն ուժերին Մոլդովայում, և ծրագիրը նույնն է։ Հայաստանին հատկացված միջոցները կծախսվեն նաև արտաքին միջամտությունը բացահայտելու, վերլուծելու և չեզոքացնելու վրա», - ասել է Կայա Կալլասը։
