Վարորդները տուգանվել են․ արգելվել է առանց ձմեռային անվադողերի վարելը
Ներքին գործերի նախարարությունից հայտնում են, որ նոյեմբերի 15-ից մինչ օրս առանց ձմեռային անվադողերի վարելու համար տուգանվել է 2459 վարորդ։
Հիշեցնենք՝ ավելի վաղ ՆԳՆ ոստիկանությունը հայտարարություն էր տարածել, ըստ որի՝ առանց համապատասխան ձմեռային անվադողերի տրանսպորտային միջոցների շահագործումը կարգելվի։
Հավելենք՝ ՆԳՆ ոստիկանությունը հորդորում է պահպանել երթևեկության անվտանգության կանոնները, ձեռք բերել ձմեռային անվադողեր` թույլատրելի պահպանաշերտով՝ ցուցաբերել գիտակից, իրավահարգ ու օրինապահ վարքագիծ։
Ձմեռային անվադողերով երթևեկելու պարտադիր պահանջը գործում է մարտի 31-ը ներառյալ։
