Իրանի ԱԳՆ-ն՝ ԱՄՆ հետագա քայլերի մասին
Իրանի արտաքին գործերի նախարար Աբբաս Արաղչին ճապոնացի գործընկեր Տոշիմիցու Մոտեգիի հետ հեռախոսազրույցում հայտնել է, որ Միացյալ Նահանգները պետք է գործողություններ իրականացնի՝ վերականգնելու Թեհրանի վստահությունը, եթե ցանկանում է վերականգնել դիվանագիտությունը Իրանի միջուկային ծրագրի շուրջ։
Ինչպես հայտնում է Tasnim գործակալությունը, խոսակցությունների ընթացքում կողմերը քննարկել են միջուկային հարցի վերջին զարգացումները, ինչպես նաև ԱՄՆ-ի եւ 2015 թվականի միջուկային համաձայնագրի մաս կազմող երեք եվրոպական երկրների դիրքորոշումները։
Արաղչին շեշտել է. «Միացյալ Նահանգներն է, որ պետք է վերականգնի Իրանի վստահությունը դիվանագիտության նկատմամբ»։
