Նոր օրինագիծ՝ Ֆրանսիայում․ կներդրվի կամավոր զինծառայություն. Մակրոն

Ֆրանսիայի նախագահ Էմանուել Մակրոնը հայտարարել է, որ երկրում կամավոր զինվորական ծառայությունը կսկսի գործել հաջորդ ամռանից։ Նրա խոսքով՝ նոր ազգային ծառայությունը կկիրառվի աստիճանաբար։

«Ես առաջարկում եմ լիովին զինվորական ծառայություն, որը համընդհանուր չէ, բայց կարող է ընդգրկել ամբողջ սերնդին»,- նշել է Մակրոնը։

Ֆրանսիան պարտադիր զինվորական ծառայությունը պաշտոնապես դադարեցրել է 1997 թվականին։ Օրենքը նախատեսում էր զորակոչի աստիճանական վերացում. պարտադիր զինվորական ծառայության էին ենթակա միայն 1978 թվականի վերջից առաջ ծնված տղամարդիկ։ 2001 թվականին՝ զորակոչի վերջին տարում, զորակոչվել է ընդամենը 23,000 տղամարդ, որոնք ծառայել են ընդամենը վեց ամիս՝ նախկին տասը ամսվա փոխարեն։