Վաղարշապատ և Խոյ համայնքները կմիավորվեն
Արմավիրի մարզի Վաղարշապատ և Խոյ համայնքները կմիավորվեն: Խորհրդարանը 60 կողմ, 26 դեմ, 1 ձեռնպահ ձայներով՝ երկրորդ ընթերցմամբ և ամբողջությամբ ընդունեց «Վարչատարածքային բաժանման մասին» ՀՀ օրենքում փոփոխություն կատարելու և «Տեղական ինքնակառավարման մասին» ՀՀ օրենքում լրացումներ կատարելու մասին օրենքների նախագծերի փաթեթը։
«Նպատակն առավել արդյունավետ կառավարումն է։ Միավորված համայնքն ավելի մեծ թվով բնակիչներ կունենա, հետևաբար նաև պետբյուջեից ավելի շատ միջոցներ կուղղվեն»,-այս մասին հայտնել է ՏԿԵ նախարար Դավիթ Խուդաթյանը:
Հիշեցնենք` Վաղարշապատի համայնքապետ Դիանա Գասպարյանը մայիսի 15-ին հրաժարական է տվել։
Վաղարշապատում ՏԻՄ ընտրությունները կանցկացվեն նոյեմբերի 16–ին։
