Ռուսաստանի կգնա զիջումների․ չենք կարող շարունակել նախկինի պես․ Կալլաս

Եվրոպական Միության արտաքին գործերի և անվտանգության քաղաքականության հարցերով գերագույն ներկայացուցիչ Կայա Կալլասը BBC Radio 4-ին տված հարցազրույցում նշել է, որ Ռուսաստանի վերադարձը «Ութնյակ» այս պահին տեղի չի ունենա։

«Սա չպետք է տեղի ունենա։ Սա նույնիսկ անհնար է պատկերացնել։ Մենք չենք կարող շարունակել նախկինի պես»,- ասել է Կալլասը։

Նրա խոսքով՝ խաղաղության ամբողջական ծրագիրը պետք է ծառայի այն նպատակին, որ Ռուսաստանը կրկին չդիմի հարձակման. «Եթե մենք ուզում ենք, որ սա ընդմիշտ ավարտվի, ապա Ռուսաստանի կողմից իսկապես անհրաժեշտ են որոշակի զիջումներ»։

Կալլասը ընդգծել է, որ նման մոտեցումը ենթադրում է, որ Ռուսաստանը պետք է պահպանի միջազգային համաձայնագրերը և նվազեցնի իր զինված ուժերը։

«Չի կարող լինել այնպես, որ դուք ներխուժեք մեկ այլ երկիր և դրա համար պատասխանատվություն չկրեք», - հավելել է նա։

Նշվում է, որ ԱՄՆ-ի Ուկրաինայի խաղաղության ծրագրի նախնական 28 կետերից մեկը ներառում էր Ռուսաստանի վերադարձը «Մեծ ութնյակ»: Ավելի ուշ փաստաթուղթը կրճատվել է մինչև 19 կետ, և դեռ պարզ չէ, արդյոք այդ դրույթը պահպանվել է։