Փաշինյանը ներկայացրել է ՀԷՑ-ի վերաբերյալ երկու հիմնական լուծում
Վարչապետ Նիկոլ Փաշինյանը նշել է, որ ՀԷՑ-ի հետ կապված հիմնական հարցը ռազմավարական ուղին է։ Նա հիշեցրել է, որ քննարկվել են երկու տարբերակ, որոնց մասին արդեն հրապարակայնորեն խոսել է։ Փաշինյանի խոսքով՝ առաջին տարբերակը նախատեսում է ՀԷՑ-ը սահմանված օրինակարգերով ամբողջությամբ պետականացնել, ոլորտի պրոֆեսիոնալ կառավարիչ հրավիրել՝ կառավարման գործընթացը կառավարության վերահսկողության ներքո ապահովելու համար։
Երկրորդ տարբերակը վերաբերում է նոր ներդրողի ներգրավմանը՝ թափանցիկ ընթացակարգերով, եթե պարզվի, որ ընկերությունը պետությանը փոխանցելու համար նախատեսվող վճարումը պետական միջոցներով իրականացնելը նպատակահարմար չէ։ Փաշինյանը ընդգծել է, որ իր համար ցանկալի տարբերակը ՀԷՑ-ի պետականացումն է, սակայն հարցը ունի ֆինանսական բաղադրիչ։
