Բրազիլիայի նախկին նախագահը բազմամսյա տնային կալանքից հետո ձերբակալվել է

Բրազիլիայի նախկին նախագահ Ժաիր Բոլսոնարուն ձերբակալվել է։ Այս մասին Reuters-ին հայտնել է նրա փաստաբան Սելսու Վիլարդին՝ չհստակեցնելով ձերբակալության պատճառը։ Այսպիսով ավարտվել է Բոլսոնարուի ավելի քան երեք ամսյա խիստ տնային կալանքը։

Բոլսոնարուն սեպտեմբերին դատապարտվել էր 27 տարի և երեք ամիս ազատազրկման՝ պետական հեղաշրջման կազմակերպման համար։ Ըստ մեղադրանքի՝ նրա նպատակը իշխանության պահպանելն էր 2022 թվականի ընտրություններում ձախակողմյան թեկնածու Լուիս Ինասիու Լուլա դա Սիլվային պարտվելուց հետո։

Ավելի քան 100 օր նա գտնվել էր խիստ տնային կալանքի տակ մեկ այլ գործով՝ պահման պայմանների խախտման համար։ Այդ գործը կապված էր Բոլսոնարուի կողմից ԱՄՆ-ի ենթադրյալ ներգրավման հետ՝ իր դեմ քրեական հետապնդումը դադարեցնելու նպատակով։