Միխայիլ Խոդորկովսկին ընդգրկել է ծայրահեղականների և ահաբեկիչների ցուցակում
«Ռոսֆինմոնիթորինգ»-ը քաղաքական գործիչ Միխայիլ Խոդորկովսկուն (որին Ռուսաստանի արդարադատության նախարարությունը որակել է որպես օտարերկրյա գործակալ) և Պետդումայի նախկին պատգամավոր Դմիտրի Գուդկովին (որը նույնպես Ռուսաստանում որակվել է որպես օտարերկրյա գործակալ) ընդգրկել է ծայրահեղականների և ահաբեկիչների ցուցակում, հաղորդում է ՏԱՍՍ-ը։
Հոկտեմբերի 14-ին ԱԴԾ-ն հայտնել էր, որ մի քանի օտարերկրյա գործակալների մեղադրանք է առաջադրվել Ռուսաստանում իշխանության բռնի զավթման փորձի գործով։ Գլխավոր կասկածյալ նշվել է «Յուկոս»-ի նախկին գործադիր տնօրեն Միխայիլ Խոդորկովսկին։
Խոդորկովսկուն և Ռուսաստանի նախկին վարչապետ Միխայիլ Կասյանովին (նա ևս որակվել է որպես օտարերկրյա գործակալ) մեղադրել են ահաբեկչական կազմակերպություն ստեղծելու մեջ։ Գործում ներգրավված է նաև Պետդումայի նախկին պատգամավոր Դմիտրի Գուդկովը։
