Լեհաստանը պահանջում է երկաթգծում տեղի ունեցած պшյթյունի մեջ կասկածվող ուկրաինացիների արտահանձնումը․ Տուսկ

Լեհաստանի վարչապետ Դոնալդ Տուսկը  հայտարարել է, որ երկաթուղում վերջերս տեղի ունեցած դիվերսիայի համար պատասխանատվություն են կրում Ուկրաինայի երկու քաղաքացիներ, որոնք համագործակցում են ռուսական հետախուզության հետ, հաղորդում է RMF24-ը։

Նա հավելել է, որ տղամարդիկ Լեհաստանից փախել են Տերեսպոլի սահմանային անցակետով և Լեհաստանը պահանջելու է երկաթգծում տեղի ունեցած պшյթյունի մեջ կասկածվող ուկրաինացիների արտահանձնումը:

Լեհաստանի կառավարության ղեկավարը հայտարարել է, որ ծառայությունները այժմ վստահ են, որ Միկա քաղաքի մոտ գծերը պայթեցնելու փորձը և Պուլավի շրջանում երկաթուղային ենթակառուցվածքների խափանումը դիվերսիաների երկու ակտեր էին, որոնք նախատեսված էին երկաթուղային աղետ առաջացնելու համար։

Դոնալդ Տուսկը հայտարարել է, որ երկու ուկրաինացիներն էլ, որոնք նույնականացվել են որպես դիվերսանտներ, Լեհաստան են ժամանել Բելառուսից։ 

Հավելենք՝ ավելի վաղ լեհական իշխանությունները հայտնել էին, որ  Ուկրաինայի հետ սահման տանող երկաթուղու վրա տեղի ունեցած երկու միջադեպի մասին: Վարչապետ Դոնալդ Տուսկի խոսքով՝ Վարշավայի և Լյուբլինի միջև երկաթուղու մի հատվածը պայթեցվել է «աննախադեպ դիվերսիայի» արդյունքում: 

Հիշեցնենք՝ ավելի վաղ հայտնել էինք, ՌԴ նախագահի մամուլի քարտուղար Դմիտրի Պեսկովի հայտարարությունն այն մասին՝ «Չենք զարմացել, որ դիվերսիայում կրկին ներգրավված են ուկրաինացիները»: