Չենք զարմացել, որ դիվերսիայում կրկին ներգրավված են ուկրաինացիները. Պեսկով
ՌԴ նախագահի մամուլի քարտուղար Դմիտրի Պեսկովը «Ռոսիա» հեռուստաալիքին տված հարցազրույցում հայտարարել է, որ հատկանշական է համարում այն փաստը, որ Լեհաստանում տեղի ունեցած երկաթուղային դիվերսիայում կրկին ներգրավված են ուկրաինացիներ։ Պեսկովի խոսքով՝ Կրեմլը չի զարմացել, որ Լեհաստանը սկզբում փորձել է մեղադրել Ռուսաստանին դիվերսիայի կազմակերպման կամ մասնակցության մեջ։
Նա արձագանքել է Լեհաստանի հատուկ ծառայությունների նախարարի մամուլի խոսնակի հետագա հայտարարությանը, ըստ որի՝ Լեհական երկաթուղիներում տեղի ունեցած դիվերսիան, որն վնասել էր Ուկրաինա տանող երկաթուղային ճյուղը, պատվիրել են ռուսական հետախուզական ծառայությունները։
Լեհաստանի վարչապետ Դոնալդ Տուսկը ևս Դեբլին–Վարշավա երկաթուղում տեղի ունեցած պայթյունը սահմանել է որպես դիվերսիա՝ ընդգծելով, որ իրականացվում է լայնածավալ քննություն։
