Ինձ ոչինչ չի ասել. Նեթանյահուն հերքել է Թրամփի մասին լուրերը

Իսրայելի վարչապետը հայտարարել է, որ ԱՄՆ նախագահ Դոնալդ Թրամփը չի խնդրել հրաժարվել Լիբանանում ահաբեկիչների թունելների դեմ գործողություններից։

Իսրայելի կառավարության ղեկավարը նշել է, որ լրատվամիջոցներում հնչած այն պնդումները, թե իբր նախագահ Թրամփը խնդրել է իրենց ոչ մի քայլ չձեռնարկել Լիբանանում ահաբեկիչների թունելների դեմ, իրականությանը չեն համապատասխանում և կեղծ լուրեր են։

«Նա ինձ ոչինչ չի ասել այդ մասին, իսկ ես նրան չեմ հարցրել։ Մենք գործում ենք՝ ելնելով մեր սեփական նկատառումներից»,— բառացիորեն նշել է Իսրայելի վարչապետը։