Հայտնի են ֆուտբոլի եզրափակիչ փուլի 48 մասնակիցներից 34-ը. ԱԱ-2026

Ֆուտբոլի 2026 թվականի Աշխարհի առաջնության եզրափակիչ փուլի մասնակիցների թիվը համալրեցին Գերմանիայի և Նիդեռլանդների հավաքականները։ Այսպիսով, այս պահի դրությամբ հայտնի են մրցաշարի 48 մասնակիցներից 34-ը։

Հիշեցնենք, որ Աշխարհի 2026 թվականի առաջնությունը կանցկացվի ԱՄՆ-ում, Կանադայում և Մեքսիկայում՝ հունիսի 11-ից հուլիսի 19-ն ընկած ժամանակահատվածում։ Պատմության մեջ առաջին անգամ մրցաշարին կմասնակցի 48 հավաքական։ Մրցաշարի գործող չեմպիոնը Արգենտինայի հավաքականն է։