Հակակոռուպցիոն կոմիտեն՝ «Հաղթանակ» դաշինքի ընտրված ավագանու անդամների բնակարանների խուզարկության մասին

ՀՀ հակակոռուպցիոն կոմիտեում քննվող քրեական վարույթների շրջանակներում իրականացվում են ապացուցողական և վարութային այլ գործողություններ, լրատվամիջոցներին հայտնել են կոմիտեից:

Հիշեցնենք՝ 24News-ի տեղեկությունների համաձայն՝ այս պահին խուզարկություններ են ընթանում Վաղարշապատ խոշորացված համայնքի ընդդիմադիր «Հաղթանակ» դաշինքի ընտրված ավագանու անդամներից չորսի տանը։

Այս պահին խուզարկում են Կարեն Գևորգյանի, Արմեն Դավթյանի, Մայիս Մելքոնյանի, Տիգրան Գևորգյանի բնակարանները։ Ամենայն հավանականությամբ՝ առաջիկայում սպասվում է խուզարկում նաև Սևակ Խաչատրյանի տանը։