Իրանի փոխարտգործնախարարը՝ ԵՄ-ի եռյակի հետ միջուկային ծրագրի շուրջ հետագա բանակցությունների մասին

Թեհրանը այլևս մտադիր չի քննարկել իրանական միջուկային ծրագրին վերաբերող հարցերը ԵՄ-ի եռյակի (Մեծ Բրիտանիա, Գերմանիա և Ֆրանսիա) հետ, ՏԱՍՍ-ին ասել է Իրանի փոխարտգործնախարար Սաիդ Խատիբզադեն։

Նա նշել է, որ այս որոշումը կայացվել է այն բանից հետո, երբ ԵՄ-ի եռյակը փորձել է կիրառել «վերականգնման մեխանիզմը», որը կվերականգնի ՄԱԿ-ի Անվտանգության խորհրդի Իրանի դեմ պատժամիջոցները։

Սեպտեմբերի 19-ին ՄԱԿ-ի Անվտանգության խորհուրդը մերժել է Իրանի դեմ պատժամիջոցների վերացման ժամկետը երկարաձգելու մասին բանաձևը։ ԱՄՆ-ի, Ֆրանսիայի, Մեծ Բրիտանիայի, Հունաստանի, Դանիայի, Սոմալիի, Պանամայի, Սլովենիայի և Սիեռա Լեոնեի ներկայացուցիչները դեմ են արտահայտվել բանաձևի նախագծին։ Ռուսաստանը, Չինաստանը, Պակիստանը և Ալժիրը աջակցել են պատժամիջոցների վերացմանը։

Սեպտեմբերի 28-ին ԵՄ արտաքին գործերի նախարար Կայա Կալլասը հայտարարել է, որ ԵՄ-ն կսկսի վերականգնել պատժամիջոցները Իրանի դեմ։