Թրամփը կմիջամտի Թաիլանդ–Կամբոջա սահմանային լարվածությանը

ԱՄՆ նախագահ Դոնալդ Թրամփը Թաիլանդի վարչապետի հետ հեռախոսազրույցի ընթացքում հայտնել է, որ պատրաստ է աջակցել Կամբոջայի հետ խաղաղ գործընթացն առաջ մղելու հարցում՝ երկկողմ սահմանին իրավիճակի սրման ֆոնին։

Թաիլանդի կառավարության ղեկավարը նշել է, որ երկիրը հավատարիմ է խաղաղությանը, սակայն ընդգծել է, որ Կամբոջան պետք է պատասխանատվություն ստանձնի սահմանային գոտում լարվածության համար։

Թրամփը նշել է, որ ԱՄՆ-ն և Մալայզիան պատրաստ են աջակցել կողմերին խաղաղ գործընթացում առաջ շարժվելու հարցում։ Զրույցից հետո Թաիլանդի վարչապետը հեռախոսազրույց է ունեցել նաև Մալայզիայի կառավարության ղեկավարի հետ։

Հիշեցնենք՝ ավելի վաղ Թաիլանդի ԱԳՆ-ն Կամբոջային մեղադրել էր համատեղ հռչակագրի դրույթները խախտելու մեջ՝ նշելով, որ Կամբոջան Թաիլանդի տարածքում տեղադրել է հակահետևակային ականներ։