Թրամփի խորհրդականները կոչով դիմել են իրեն

ԱՄՆ նախագահ Դոնալդ Թրամփի խորհրդականները քննարկում են ռազմավարություններ՝ նրա ուշադրությունը ներքին օրակարգին տեղափոխելու և տնտեսության վերաբերյալ ելույթներով երկրով մեկ նրա ուղևորությունները ակտիվացնելու համար։ Դրա մասին հաղորդել է CNN-ը՝ հղում անելով վարչակազմի պաշտոնյաներին։

Ըստ աղբյուրների՝ այդ քայլը կապված է Սպիտակ տան՝ «հասանելիության խնդրի» փաստն ընդունելու հետ. ամերիկացիների տնտեսական հեռանկարը մռայլ է, իսկ նրանց ֆինանսական անհանգստությունը մեղմելու՝ վարչակազմի ջանքերն անպատասխան են մնում։

Քննարկվող ռազմավարություններից մեկը Թրամփին ստիպելն է, որ «իր ուշադրության մեծ մասը ներքին օրակարգին տեղափոխել», որը ներառում է «ներքին ուղևորությունների ավելացումը և միջազգային ուղևորությունների կրճատումը»։ Դրա խթանը վերջերս Նյու Յորքի նահանգապետի և քաղաքապետի ընտրություններում դեմոկրատների հաղթանակներն ու կառավարության գործունեության ռեկորդային երկարատև դադրեցման «աճող ցավն» էին, որոնք «տագնապ են առաջացրել» Սպիտակ տանը։

Հեռուստատեսությունը նշում է, որ քննարկումները տեղի են ունենում նաև քննադատության ֆոնին, մասանավորապես հանրապետականների կողմից, որ Թրամփը չափազանց կենտրոնացած է արտաքին քաղաքականության վրա։