Զելենսկին բացառել է Ռուսաստանի Դաշնությանը տարածքային զիջումների հնարավորությունը

Ուկրաինայի նախագահ Վլադիմիր Զելենսկին բացառել է խաղաղության հասնելու համար Ռուսաստանին տարածքային զիջումների հնարավորությունը:

Զելենսկին հայտարարել է, որ իր երկրի ռազմական հակամարտությունը Ռուսաստանի հետ չի ավարտվի տարածքների փոխանցմամբ։ Բացի այդ, նա վստահեցրել է, որ ուկրաինական բանակի հակահարձակումը կշարունակվի անձրևների սկսվելուց հետո։

«Ոչ: Սա մեր տարածքն է», - ընդգծել է Ուկրաինայի ղեկավարը ամերիկյան CBS հեռուստաալիքին տված հարցազրույցում՝ պատասխանելով հարցին, թե արդյոք Ուկրաինան կարող է զիջել իր հողերի մի մասը։ 

Վլադիմիր Զելենսկին՝ մեկնաբանելով ուկրաինական հակահարձակման ժամկետների հարցը հավելել է․ «Մենք պետք է առաջ գնանք։ Մենք ժամանակ չունենք կորցնելու։ Մոռացեք եղանակի և նման բաների մասին»։