Վրաստանի ՆԳ նախարարն այցելել է թուրքական ինքնաթիռի կործանման վայր
Վրաստանի ներքին գործերի նախարար Գելա Գելաձեն այցելել է թուրքական ռազմական ինքնաթիռի կործանման վայր, հայտնում են վրացական լրատվամիջոցները։ Նշվում է, որ ընթանում են փրկարարական և քննչական գործողություններ։
Մինչ այդ Գելաձեն հեռախոսազրույց է ունեցել իր թուրք և ադրբեջանցի գործընկերների հետ, որոնք պատրաստակամություն են հայտնել օգնել Վրաստանին։
Վերջին տեղեկություններով՝ վրաց-ադրբեջանական սահմանին կործանված թուրքական ռազմական բեռնատար ինքնաթիռում 20 մարդ է եղել։
