ԱՄՆ-ն այլևս ի վիճակի չէ ապահովել համաշխարհային կայունություն․ փորձագետ

ԱՄՆ-ն այլևս ի վիճակի չէ ստեղծել կայունություն համաշխարհային մակարդակով և իր գործողություններով հաճախ միայն խորացնում է լարվածությունը։ Այս մասին ասել է Մոսկվայի պետական համալսարանի Ասիայի և Աֆրիկայի երկրների ինստիտուտի տնօրեն Ալեքսեյ Մասլովը՝ ելույթ ունենալով «Россия сегодня» միջազգային մամուլի կենտրոնում։

Մասլովի խոսքով՝ ներկայում ԱՄՆ քաղաքականությունը արտահայտում է ամերիկյան հասարակության միջին շերտի տրամադրությունները, որը վերջին տարիներին սկսեց ավելի ակտիվ հետաքրքրվել քաղաքական գործընթացներով։ Նրա խոսքով՝ Վաշինգտոնը դեռ կարող է ազդել իրավիճակի վրա և որոշ տարածաշրջաններում առաջացնել անկայունություն, սակայն այլևս չունի այն ներուժը, որն անհրաժեշտ է երկարաժամկետ կայունություն ապահովելու համար։

Փորձագետը նշել է, որ այսօր նոր կայունության մոդելներ են առաջարկում Ռուսաստանը, Չինաստանը և մի շարք այլ երկրներ՝ տնտեսական և քաղաքական համագործակցության նոր ձևաչափերի միջոցով։