Չինաստանը չի ընդունի միակողմանի պատժամիջոցներն ու երկակի ստանդարտները. Ծինփին
Չինաստանի ղեկավարությունը չի ընդունի միակողմանի պատժամիջոցները և մտադիր չէ երկակի ստանդարտների հետևել միջազգային խնդիրների կարգավորման հարցում։ Այս մասին հայտարարել է Չինաստանի նախագահ Սի Ծինփինը, գրում է Российская Газета-ն։
Բոաոյի ասիական ֆորումի առանցքային մասի բացման արարողության ժամանակ իր տեսաուղերձում նա ընդգծել է, որ Չինաստանը մտադիր չէ քաղաքականություն վարել՝ ուղղված դաշինքների ձևավորմանն ու առճակատման սրմանը։ Նա ասել է, որ Չինաստանն աջակցում է ճգնաժամը կարգավորելու ցանկացած ջանքերի:
«Մենք դեմ ենք միակողմանի պատժամիջոցների չարաշահմանը»,- ընդգծել է Սի Ծինփինը։
Միևնույն ժամանակ, Չինաստանի առաջնորդը հավելել է, որ երկիրը կպաշտպանի անվտանգությունը ինչպես ավանդական, այնպես էլ նոր ոլորտներում, ինչպես նաև համատեղ ջանքերը գլոբալ խնդիրների լուծման ուղղությամբ՝ հակազդելու հակամարտություններին, ահաբեկչությանը, կլիմայի փոփոխությանը և այլն:
