Քոչարյանը՝ Ռուսաստանի՝ Հայաստան–Ադրբեջան խաղաղության պայմանագրի երաշխավոր լինելու մասին

Ռոբերտ Քոչարյանի կարծիքով՝ լավագույն տարբերակը կլիներ, եթե Հայաստան–Ադրբեջան խաղաղության պայմանագրի երաշխավորները լինեին Ռուսաստանը, ԱՄՆ-ն և Չինաստանը։

Հայաստանի երկրորդ նախագահը նշել է, որ անհրաժեշտ է առկա փաստաթղթից բացի ստորագրել ևս մեկը, որը կունենա երաշխիքային մեխանիզմ, քանի որ ներկայիս տարբերակը նման համակարգ չի պարունակում։

«Պետք էր կառչել 2020թ. նոյեմբերի 9-ի հայտարարության 9-րդ կետից։ Այն ժամանակ միջանցքի տրամաբանություն չկար»,- ասել է Ռոբերտ Քոչարյանը:

Հիշեցնենք՝ Հայաստանի երկրորդ նախագահը Ռոբերտ Քոչարյանը, խոսել էր նաև նոյեմբերի 9-ի հայտարարության և Վաշինգտոնի փաստաթղթի տարբերությունների մասին: