Քոչարյանը նշել է՝ ում օրոք են եղել Հայաստանի ամենախաղաղ տարիները
Հայաստանը ամեն ինչ արեց, որպեսզի ռուսական զորքերը հեռանան Ղարաբաղից։ 5-րդ ալիքին տված հարցազրույցում ասել է Հայաստանի երկրորդ նախագահ Ռոբերտ Քոչարյանը:
«Ղարաբաղի կորուստն ուղղակի հետևանք է Պրահայում ստորագրած հայտարարության, ո՞ւր է Մակրոնը, ո՞ւր է Շառլ Միշելը, ո՞վ է դրանց տեղը հիմա հիշում»,– ասել է նա։
Քոչարյանը հավելել է, որ միջազգային հարաբերություններում գոյություն չունի նման բան, որ Ռուսաստանը մշտապես ստանձնի պատասխանատվությունը Ղարաբաղի համար։
Նա նաև նշել է, որ Հայաստանի ամենախաղաղ տարիները եղել են իր նախագահության ժամանակ։
«Ունեցել ենք ամենից քիչ զոհերը, ընդհանրապես որևէ տարածքային կորուստ չենք ունեցել, ունեցել ենք տնտեսական հաջողություններ»,– ընդգծել է Ռոբերտ Քոչարյանը։
