Վստահ եմ, որ Գագիկ Ծառուկյան-Նիկոլ Փաշինյան հանդիպում տեղի կունենա. Ալեն Սիմոնյան
Ես չեմ կարող ասել, թե երբ տեղի կունենա, սակայն վստահ եմ, որ տեղի կունենա: Այս մասին լրագրողների հետ զրույցում հայտարարել է Ալեն Սիմոնյանը՝ խոսելով Գագիկ Ծառուկյան-Նիկոլ Փաշինյան հանդիպման մասին:
«Կարծում եմ, որ հանդիպում այնուամենայնիվ տեղի կունենա»,-ասել է նա:
Հիշեցնենք, որ ավելի վաղ վարչապետի մամուլի խոսնակ Մանե Գևորգյանը նշել է.
«Այսօր նման հանդիպում նախատեսված չէ: Ընդհանրապես, եթե նախատեսվի, ապա լրացուցիչ կտեղեկացնենք»:
ՀՀ ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանն էլ հայտնեց, որ նման քննարկում ընդհանրապես չի եղել: «Ես այդ լուրն առաջին անգամ կարդացի մամուլում: Մենք նման քննարկում ընդհանրապես չենք ունեցել»,- ասաց Զոհրաբյանը:
