Երևանում ջերմաստիճանը կբարձրանա մինչև 20 աստիճան․ սպասվում է արևոտ եղանակ

Հայաստանի Հանրապետության տարածքում նոյեմբերի 9-ից 13-ը սպասվում է առանց տեղումների եղանակ: Տեղեկությունը հայտնում է ՀՀ ՇՄՆ Հիդրոօդերևութաբանության և մոնիտորինգի կենտրոնը։

Հաղորդագրության համաձայն` քամին կլինի հարավարևմտյան՝ 2-5մ/վ արագությամբ: Օդի ջերմաստիճանը այսօր ցերեկն աստիճանաբար կբարձրանա ևս 1-2 աստիճանով։

Երևան քաղաքում նույնպես նոյեմբերի 9-ից 13-ը սպասվում է առանց տեղումների եղանակ։ Մայրաքաղաքում նոյեմբերի 9-ի ցերեկը կլինի 18-20, իսկ երեկոյան ժամերին` 10–ից 12 աստիճան տաքություն։