Դամասկոսում պայթյունների հետևանքով առնվազն 18 մարդ է տուժել

Դամասկոսում Ֆրանսիայի նախագահ Էմանուել Մակրոնի այցի ընթացքում տեղի ունեցած երկու պայթյունների հետևանքով առնվազն 18 մարդ է տուժել, հայտնում է Սիրիայի ՆԳ նախարարությունը։

Գերատեսչության տվյալներով՝ պայթյունները տեղի են ունեցել զբոսաշրջության նախարարության շենքի մոտ։ Տուժածների թվում են նաև չորս ոստիկան։

Ավելի վաղ Paris Match-ը հայտնել էր, որ պայթյունների պահին Մակրոնը չի գտնվել այն հյուրանոցում, որտեղ տեղակայված էր իր պատվիրակությունը։

Մակրոնը Դամասկոս է ժամանել երկուշաբթի երեկոյան։ Սա Ֆրանսիայի նախագահի առաջին այցն է Սիրիա 2008 թվականից ի վեր։ Նա նաև դարձել է Եվրոպական միության առաջին անդամ երկրի առաջնորդը, որն այցելել է Սիրիա երկրում իշխանափոխությունից հետո։ Մինչ այդ Սիրիա էին այցելել միայն Եվրոպական խորհրդի նախագահ Անտոնիու Կոշտան և Եվրոպական հանձնաժողովի նախագահ Ուրսուլա ֆոն դեր Լայենը։