ՏԵՍԱՆՅՈՒԹ. Մեր հայրը բոլորին բարեգործություն է արել, հիմա նման վերաբերմունքի է արժանանում. Գագիկ Ծառուկյանի դուստրերը

Գագիկ Ծառուկյանի դուստրերը լրագրողների հետ զրույցում անդրադարձել են իրենց հոր նկատմամբ իրականացվող գործողություններին՝ դրանք որակելով ապօրինի։

«Մեր հայրը մեզ միշտ հեռու է պահել քաղաքականությունից, մենք որևէ առնչություն չենք ունեցել»,- ասել են նրանք։

Ծառուկյանի դուստրերի խոսքով՝ տեղի ունեցածը «ապօրինի և օրենքից դուրս գործողություն է»։

«Մի մարդ, ով բոլորին միշտ բարեգործություն է արել, հիմա նման վերաբերմունքի է արժանանում»,- նշել են նրանք։

Նրանք նաև հայտարարել են, որ շուրջ 13 ժամ տևած խուզարկության ընթացքում իրավապահները որևէ բան չեն հայտնաբերել։

«13 ժամ խուզարկություն են արել ու որևէ բան չեն գտել»,- ասել են Ծառուկյանի դուստրերը։

Անդրադառնալով իրենց հոր կենդանիներին՝ նրանք նշել են, որ դրանք տարիներ շարունակ պահվել են նույն վայրում, սակայն այժմ տեղափոխվել են կենդանաբանական այգի։

«Մարդը տարիներ շարունակ պահել է այդ կենդանիներին, իսկ հիմա տարել են գազանանոց, որտեղ նորմալ չեն կարողանում պահել»,- ասել են նրանք՝ հավելելով. «Սա էլ կանցնի»։