14:00 Լուրերը մեկ տողով. Պատմական ռեկորդ է գրանցվել. ՆԱՏՕ-ն միլիարդներ է ծախսում դրոնների դեմ պայքարի վրա

Անցած ժամվա լուրերը՝ հակիրճ և բովանդակային.

•Ընդդիմադիր պատգամավոր Իշխան Սաղաթելյանը ներկա զարգացումները որակել է քաղաքական հետապնդում և հայտարարել, որ պատգամավորական մանդատները վերցնելը չի նշանակում հրաժարվել փողոցային պայքարից։

•Տավուշի մարզի Դիլիջան համայնքում գտնվող ավելի քան 4,5 միլիարդ դրամ կադաստրային արժեքով 67 հեկտար հողամասը վերադարձվել է Հայաստանի Հանրապետության տիրապետմանը։


•2026թ. 1-ին կիսամյակում Հայաստանում զբոսաշրջային այցելությունները եղել են 1 մլն 42 հազար, ինչը ոչ միայն 14,8%-ով ավել է նախորդ տարվա նույն ժամանակահատվածի ցուցանիշից, այլև ռեկորդային ցուցանիշ է բոլոր տարիների հունվար-հունիս ամիսների համար. Էկոնոմիկայի նախարար Գևորգ Պապոյան:

•ՆԱՏՕ-ի անդամ երկրները հաջորդ հինգ տարիներին ավելի քան 40 միլիարդ դոլար կներդնեն հակադրոնային պաշտպանության համակարգերի զարգացման համար։

•Գերմանիայի կառավարությունը նախատեսում է 1,5 միլիարդ եվրո հատկացնել բնական գազի ռազմավարական պահուստ ստեղծելու և արտակարգ իրավիճակներում էներգամատակարարումն ապահովելու համար։

•Դամասկոսում Ֆրանսիայի նախագահի այցի ընթացքում տեղի ունեցած երկու պայթյունների հետևանքով տուժել է առնվազն 18 մարդ, սակայն Էմանուել Մակրոնը վնասվածքներ չի ստացել։

•Պորտուգալիայի հավաքականի հարձակվող Կրիշտիանու Ռոնալդուն հաստատել է, որ 2026 թվականի աշխարհի առաջնությունն իր կարիերայի վերջին Մունդիալն էր։

•Արագածոտնի մարզի Շամիրամ հնավայրում ավարտվել են հայ-իտալական արշավախմբի պեղումները, որոնց արդյունքում հայտնաբերվել են ուշ բրոնզեդարյան և ուրարտական շրջանի արժեքավոր գտածոներ։

•Փրկարարները Երևան-Սևան ավտոճանապարհի 26-րդ կիլոմետրին իրականացրել են հարկադիր քարաթափում՝ վերացնելով մոտ 8 խորանարդ մետր ծավալով մեծ քարի ընկնելու վտանգը։