Իրանական IRIB-ը հայտնում է՝ Կատարի նավթատար նավը հարձակման է ենթարկվել Հորմուզի նեղուցում

Իրանական պետական IRIB հեռուստառադիոընկերությունը հայտնում է, որ Կատարին պատկանող Al-Raqayat նավթատարը փորձել է անցնել Հորմուզի նեղուցով՝ Օմանի երթուղով և ԱՄՆ ռազմածովային ուժերի ուղեկցությամբ, սակայն ենթարկվել է հարձակման։

Հաղորդվում է, որ նավթատարը, ըստ աղբյուրի, անտեսել է իրեն ուղղված բազմակի նախազգուշացումները, ինչից հետո այն խոցվել է արկով։ Հարվածի հետևանքով նավի ձախ հատվածում հրդեհ է բռնկվել։

Ավելի վաղ Մեծ Բրիտանիայի Ծովային առևտրային գործողությունների վարչությունը (UKMTO) հայտնել էր, որ Օմանի ափերի մոտ դեպի հարավ ընթացող տանկերի ձախ կողային հատվածին արկ է դիպել, ինչի հետևանքով նավում հրդեհ է սկսվել։

Այս պահին հարձակման պատասխանատու կողմի վերաբերյալ պաշտոնական տեղեկություններ չկան, իսկ ներկայացված տվյալները հիմնված են իրանական IRIB-ի հրապարակման վրա։