Փաշինյանը շարունակում է «հատիկառհատիկ» շարքը․ Տավուշում վերադարձված 67 հա հողամասի արժեքը գնահատվել է 4,5 մլրդ դրամ

Վարչապետ Նիկոլ Փաշինյանը շարունակում է իր #հատիկառհատիկ շարքը․ այսօր հերթը Տավուշի մարզին էր։

Փաշինյանն իր ֆեյսբուքյան էջում հայտնել է, որ Հայաստանի Հանրապետության տիրապետմանն է վերադարձվել Տավուշի մարզի Դիլիջան համայնքի Շամախյան տեղամասում գտնվող՝ 67 հեկտար մակերեսով հողամասը։

«#հատիկառհատիկ Հայաստանի Հանրապետության տիրապետմանն է վերադարձվել Տավուշի մարզի Դիլիջան համայնքի Շամախյան տեղամասում գտնվող՝ 67 հա մակերեսով հողամասը։ Շուկայականին մոտարկված կադաստրային արժեքը՝ 4 միլիարդ 578 միլիոն 981 հազար դրամ»,- գրել է վարչապետը։

Նիկոլ Փաշինյանը վերջին շրջանում «#հատիկառհատիկ» խորագրով հրապարակումներով ներկայացնում է, թե տարբեր համայնքներում պետական վերահսկողության տակ են վերադարձվում կամ պետությանը վերագրանցվում հողատարածքներ և այլ գույքային միավորներ։