Եթե Կիևը պատրաստ չլինի խաղաղությանը, Ռուսաստանը կշարունակի ռազմական գործողությունը. Պեսկով

Ռուսաստանի Դաշնության նախագահի մամուլի քարտուղար Դմիտրի Պեսկովը հայտարարել է, որ Մոսկվայի համար ուկրաինական հակամարտության կարգավորումը շարունակում է մնալ նախընտրելի տարբերակ։

ՌԴ նախագահի մամուլի քարտուղարը հանդես է եկել նաև այլ հայտարարություններով։ Նա նշել է, որ Կիևին ՆԱՏՕ-ի նոր սպառազինությունների փոխանցումը որևէ կերպ չի խոչընդոտի Ռուսաստանի կողմից հատուկ ռազմական գործողության նպատակների իրագործմանը։ Դմիտրի Պեսկովի խոսքով՝ ՌԴ-ն աշխատանքային խողովակներով կապեր է պահպանում ԱՄՆ-ի հետ, ինչպես նաև հույս ունի, որ ուկրաինական հակամարտության խաղաղ կարգավորմանն ուղղված ԱՄՆ ջանքերը հաջողությամբ կպսակվեն։ 

ՌԴ զինված ուժերը շարունակում են ռուսական տարածաշրջանների, այդ թվում՝ Դոնեցկի Ժողովրդական Հանրապետության ազատագրումը, և աշխատում են Ուկրաինայի հետ բուֆերային գոտու ստեղծման ուղղությամբ։ Խաղաղ կարգավորմանը Ուկրաինայի պատրաստակամության բացակայության դեպքում ՌԴ-ն կշարունակի հատուկ ռազմական գործողությունը։ Բացի այդ, Կրեմլում հետևելու են Անկարայում ՆԱՏՕ-ի գագաթնաժողովից ստացվող տեղեկատվությանը և բոլոր նորություններին: