Պապոյանը՝ Դավիթ Համբարձումյանի դատավարության անարդար լինելու մասին
Մասիսի կալանավորված քաղաքապետ Դավիթ Համբարձումյանի պաշտպան Գայանե Պապոյանը արձագանքել է դատավոր Ժորա Չիչոյանի հայտարարությանը, ըստ որի՝ վերջինս գործը քննել է առանց որևէ հրահանգի և պահպանելով օբյեկտիվությունը։
«Ժ. Չիչոյա՛ն,
Մի փորձեք ստեղծել արդարադատություն իրականացնելու սին պատրանք, լավ կլինի ընդհանրապես չխոսեք այդ թեմայից։ Դատական ակտն իրականության հետ կապ չունի, և դուք դա շատ լավ գիտեք։ Գործի տեսանյութը, որը բոլորն են տեսել, հստակ ցույց է տալիս իրավիճակը և դատավճռի ոչ օբյեկտիվ լինելը։ Բացի այդ, գործում կային վկաների արդարացնող ցուցմունքներ»,– գրել է Պապոյանը։
Նա նշել է, որ դատական ակտում բացակայում են պատճառաբանություններ և վերլուծություններ՝ տեսանյութի, վերջին 15 տարվա ընթացքում տվյալ հոդվածով նշանակված խիստ պատժի, ինչպես նաև կալանքի կիրառման վերաբերյալ։
Փաստաբանի խոսքով՝ սա պարզապես տպավորություն չէ, այլ հիմնավոր իրողություն, որ Դավիթ Համբարձումյանին ցանկացել են հեռացնել քաղաքական գործընթացներից։
«Դավիթը քաղբանտարկյալ է»,– գրել է Պապոյանը։
