Արաբական երկրները դեմ են «Նոր Գազայի» ստեղծման առաջարկին
Արաբական երկրները դեմ են արտահայտվել ԱՄՆ-ի աջակցությամբ ներկայացված նախաձեռնությանը, որը ենթադրում է «Նոր Գազայի» ձևավորում՝ Իսրայելի վերահսկողության տակ գտնվող հատվածում։ Ինչպես գրում է Financial Times-ը, տարածաշրջանի մի շարք պետություններ մտավախություն ունեն, որ նման քայլը կարող է հանգեցնել Պաղեստինի տարածքների երկարաժամկետ բաժանման։
Պարբերականի աղբյուրի խոսքով՝ այսպիսի նախագիծը կարող է ընկալվել որպես նախաձեռնություն Իսրայելի շահերի համար․ «Դա կթվա այնպես, ասես մենք կառուցում ենք Իսրայելի, ոչ թե պաղեստինցիների համար։ Մենք չենք ցանկանում, որ Գազայի հատվածը մնա պատերազմի և խաղաղության միջակայքում՝ վերածվելով մշտական անորոշ վիճակի»։
Դիվանագիտական աղբյուրները նաև հայտնել են, որ արաբական երկրները չեն պատրաստվում ֆինանսավորել Գազայի վերականգնումը նման պայմաններով։ Բացի այդ, կա մտահոգություն, որ վերականգնման կենտրոնացումը Ռաֆահի շրջանում կարող է առաջացնել պաղեստինցիների արտահոսք դեպի Եգիպտոս։
