Թուրքիան ձերբակալության հրաման է տվել Նեթանյահուի նկատմամբ
Ստամբուլի գլխավոր դատախազությունը հայտարարել է, որ ձերբակալության հրաման է տվել Իսրայելի վարչապետ Բինյամին Նեթանյահուի և մի շարք բարձրաստիճան իսրայելացի պաշտոնյաների նկատմամբ՝ Գազայի հատվածում իրականացված գործողությունների կապակցությամբ։ Ըստ հայտարարության՝ նրանց մեղադրում են ցեղասպանության և մարդկության դեմ հանցագործությունների մեջ։
«Ձերբակալության հրաման է տրվել 37 անձի նկատմամբ, այդ թվում՝ վարչապետ Բինյամին Նեթանյահուի և պաշտպանության նախարար Իսրայել Կաց։ Նրանք մեղադրվում են ցեղասպանություն կատարելու և մարդկության դեմ հանցագործությունների համար»,– ասված է դատախազության հաղորդագրությունում։
Թուրքական կողմը նշել է, որ իսրայելական իշխանությունների գործողությունները ներառում են զանգվածային ռմբակոծություններ, ինչպես նաև հումանիտար օգնության մատակարարման խոչընդոտում։ Նշվում է, որ քննությունը շարունակվում է՝ նպատակ ունենալով գնահատել միջազգային իրավունքի հնարավոր խախտումները։
