ԱՄՆ նախագահը հանդես է եկել հայտարարությամբ՝ ռուս-ուկրաինական հակամարտության վերաբերյալ
ԱՄՆ նախագահ Դոնալդ Թրամփը հայտարարել է, որ Ռուսաստանի և Ուկրաինայի միջև խաղաղության գործընթացում արձանագրվել է զգալի առաջընթաց։ Այս մասին նա ասել է Վաշինգտոնում՝ Կենտրոնական Ասիայի երկրների առաջնորդների հետ հանդիպման ժամանակ։
Թրամփի խոսքով՝ Վաշինգտոնը շարունակում է ակտիվ աշխատանքը հակամարտության կարգավորման ուղղությամբ, և չնայած գործընթացը դեռ ավարտված չէ, վերջին ամիսներին ձեռք է բերվել կարևոր առաջընթաց։ Նա ընդգծել է, որ ԱՄՆ-ը նպատակ ունի ավարտին հասցնել նաև Մոսկվայի և Կիևի միջև շարունակվող պատերազմը՝ խաղաղ ճանապարհով։
«Մենք ցանկանում ենք, որ այս պատերազմը վերջապես դադարեցվի»,– ասել է Թրամփը՝ համոզմունք հայտնելով, որ կողմերը ի վերջո կդրսևորեն ողջախոհություն և կհասնեն համաձայնության։
Նախագահը նաև հիշեցրել է, որ իր կառավարման ընթացքում Միացյալ Նահանգները «ութ ամիսում ավարտել է ութ զինված հակամարտություն»։
