Թրամփը մշտապես հետաքրքրվում է Ուկրաինայի հարցով. Սթիվ Ուիթքոֆ
ԱՄՆ նախագահի հատուկ բանագնաց Սթիվ Ուիթքոֆը հայտնել է, որ նախագահ Դոնալդ Թրամփը շարունակ հետաքրքրվում է Ուկրաինայի շուրջ իրավիճակով և խաղաղ կարգավորման հնարավորություններով։ Նրա խոսքով՝ Թրամփը տեղեկացված է միջազգային գործընթացներից և պարբերաբար քննարկումներ է վարում իր խորհրդականների հետ։
Ուիթքոֆը պատմել է, որ Գազայի շուրջ համաձայնության մասին զեկուցելու ընթացքում Թրամփը միանգամից հետաքրքրվել է Ռուսաստանի և Ուկրաինայի հարցերով։
«Նա ասաց՝ «Դա հիանալի է։ Իսկ ինչպես են գործերը Ռուսաստանի հետ»։ Կարծում եմ՝ հենց այդպիսի մարդ է պետք ունենալ որպես գերագույն գլխավոր հրամանատար»,– նշել է Ուիթքոֆը՝ խոսելով Ամերիկյան բիզնես-ֆորումի շրջանակում։
Բանագնացին հավելել է, որ Թրամփը ձգտում է լուծումներ գտնել տարբեր միջազգային հակամարտությունների համար։
«Նա ուզում է ամեն ինչ կարգավորել»,-– ասել է Ուիթքոֆը՝ ընդգծելով Թրամփի նախաձեռնողական մոտեցումը արտաքին քաղաքական հարցերում։
