Բայդենը խոսել է Եվրոպա ավելի քան 3000 զինծառայող ուղարկելու մասին
ԱՄՆ նախագահ Ջո Բայդենը հայտարարել է, որ Եվրոպայում ավելի քան 3000 զինծառայողներ տեղակայելու իր որոշումը համապատասխանում է ՆԱՏՕ-ի հավաքական պաշտպանության սկզբունքին։ Այս մասին գրում է РБК-ն։
«Մենք Արևելյան Եվրոպայում ՆԱՏՕ-ի մեր դաշնակիցներին վստահեցնում ենք, որ նրանց հետ ենք, և որ 5-րդ հոդվածը մեր սուրբ պարտականությունն է», - մեջբերում է CNN-ը նախագահի խոսքերը:
1949 թվականին Վաշինգտոնում ստորագրված Հյուսիսատլանտյան դաշինքի պայմանագրի 5-րդ հոդվածի համաձայն, եթե ՆԱՏՕ-ի անդամ երկրներից մեկը հարձակման ենթարկվի, դաշինքի մյուս անդամ երկրները դա կհամարեն ագրեսիա ՆԱՏՕ-ի բոլոր երկրների դեմ, և պետք է օգնություն ցուցաբերեն։
