Բաքվում քննարկել է հայ-ադրբեջանական խաղաղության օրակարգը. ԵՄ դեսպան
Հարավային Կովկասում և Վրաստանի ճգնաժամի հարցերով ԵՄ հատուկ ներկայացուցիչ Մագդալենա Գրոնոն հայտնել է, որ Բաքվում անցկացրել է բարձր մակարդակի խորհրդակցություններ՝ Ադրբեջանի ղեկավարության և փորձագետների հետ։
Նրա խոսքով՝ հանդիպումներ են կայացել արտգործնախարար Ջեյհուն Բայրամովի, նախագահի օգնական Հիքմեթ Հաջիևի, նախագահի դեսպանորդ Էլչին Ամիրբեկովի և մի շարք այլ պաշտոնյաների հետ։
Գրոնոյի հաղորդմամբ՝ քննարկվել են Հայաստանի և Ադրբեջանի միջև խաղաղության օրակարգին վերաբերող հարցեր՝ ներառյալ փոխկապակցվածությունը, Նախիջևանը, տարածաշրջանային համագործակցությունը և հումանիտար թեմաները։
«ԵՄ-ն հանձնառու է շարունակել համագործակցությունը Հայաստանի և Ադրբեջանի հետ՝ Վաշինգտոնից հետո ձևավորված դինամիկան պահպանելու և խաղաղության օգուտները տարածելու համար ամբողջ տարածաշրջանում»,– նշել է նա։
