Պարտադիր զինծառայությունը նաև ստաժ կհաշվեն. «Հրապարակ»
Իշխանությունը քննարկում է նաև պարտադիր զինվորական ծառայության տարիներն աշխատանքային ստաժ հաշվարկելու հարցը, և նախագծի տեսքով դա նույնպես կներկայացվի խորհրդարանի ընդունմանը։ Այս մասին գրում է «Հրապարակ» թերթը:
Հիշեցնենք՝ Կառավարությունն ընդունել է զինվորական ծառայության և զինծառայողի կարգավիճակի մասին օրենքում փոփոխություն կատարելու մասին որոշում։
24-ամսյա պարտադիր զինվորական ծառայության ժամկետը 2025 թվականի ձմեռային զորակոչից սկսած կրճատվում է 6 ամսով՝ սահմանվելով 18-ամսյա ժամկետով պարտադիր զինվորական ծառայություն:
