Մանրամասներ պայթյունից տուժածների վիճակի մասին
Հրազդան ՋԷԿ-ի տարածքում չգործող ձուլարանում պայթյունից տուժածներից մեկի վիճակը ծայրահեղ ծանր է։ Այս մասին Auroranews-ի հետ զրույցում հայտնեցին ԱՆ-ից։
«Տուժածներից մեկի վիճակը ծայրահեղ ծանր է. նա այս պահին վիրահատվում է։ 4-ի վիճակը միջին ծանրության է»,-ասաց Մարիամ Ծատրյանը։
Ավելի վաղ հայտնել էինք, որ սեպտեմբերի 10-ին, ժամը 16։49-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ «ՀրազՋԷԿ» ԲԲԸ-ի չգործող ձուլարանում տեղի է ունեցել պայթյուն. կան տուժածներ:
