Արթուր Խաչատրյանը՝ Փաշինյանի հնարավոր «հարձակման» մասին
ԱԺ «Հայաստան» խմբակցության պատգամավոր Արթուր Խաչատրյանը հայտարարել է, որ պետք է կանխել վարչապետ Նիկոլ Փաշինյանի «հարձակումը վեհարանի վրա» և թույլ չտալ նման գործողություններ։
«Պետք է կանխել Փաշինյանի հարձակումը վեհարանի վրա և ուղղակի թույլ չտալ դա»,- նշել է Խաչատրյանը լրագրողների հետ զրույցում նոյեմբերի 2-ին՝ Մայր Աթոռի բակում։
Նրա խոսքով՝ մեկ փորձ արդեն եղել է, սակայն այն ձախողվել է․ «Մի փորձ արեցին, եւ տեսան, որ մարդիկ ինքնաբուխ եկան, հավաքվեցին, և դրա համար իրենք իրենց գրոհի ծրագիրը հետաձգեցին։ Կփորձի, իհարկե, սակայն ժողովրդական պատը թույլ չի տա, որ մեր ինքնության սյուներից ամենակարեւորներից մեկը պղծվի»։
Պատգամավորը նշել է նաև, որ երեք թեմի առաջնորդներ կալանավորված են և ենթադրել է, որ Փաշինյանը «ճակատային հարձակման կգնա»։
«Փաշինյանի հզորությունը վարչական ապարատն ու իրավական ապարատն է, տեսանք, թե ովքեր էին Օհանավանում»,- հավելել է Խաչատրյանը։
