Գրոսին Լուկաշենկոյի հետ հանդիպումից հետո հայտարարություն է արել

Ատոմային Էներգետիկայի միջազգային գործակալության (ՄԱԳԱՏԷ) ղեկավար Ռաֆայել Գրոսին Բելառուսի նախագահ Ալեքսանդր Լուկաշենկոյի հետ հանդիպումից հետո հայտարարել է, որ մտադիր է այցելել Բելառուսական ԱԷԿ՝ համոզվելու համար, որ դրա երկու ռեակտորները նորմալ աշխատում են: Այս մասին հայտնում է ՌԻԱ Նովոստին։

«Ես պլանավորում եմ այցելել Բելառուսական ԱԷԿ Օստրովցիում, համոզվելու, որ երկու էներգաբլոկներն աշխատում են այնպես, ինչպես պետք է աշխատեն», — ասել է Գրոսին:

Նա ընդգծել է, որ ՄԱԳԱՏԷ-ում հասկանում են ԲելԱԷԿ-ի կարեւորությունը բելառուսական տնտեսության համար։

Գրոսսին հստակեցրել է, որ Մինսկ կատարած այցի ընթացքում Լուկաշենկոյի հետ քննարկել է միջուկային օբյեկտների անվտանգությունը՝ Ուկրաինայի հակամարտության համատեքստում:

Մինչ այդ Լուկաշենկոն Ռուսաստանի հետ հանդիպման ժամանակ հայտարարել էր, որ Ուկրաինան ֆեյք է տարածում՝ պնդելով, որ Բելառուսը մտադիր է գրավել Չեռնոբիլի ատոմակայանը (ԱԷԿ):

Այսօր Գրոսին այցով ժամանել է Բելառուս։ Այցի ընթացքում նա նախատեսում է բարձր մակարդակի հանդիպումներ անցկացնել Մինսկում, ինչպես նաև այցելել Բելառուսական ատոմային էլեկտրակայան: