Զախարովան արձագանքել է զենք չմատակարարելու պատճառով ՌԴ-ին դատի չտալու ՀՀ-ի հայտարարությանը

Ռուսական կողմը ողջունում է զենքի հարցը գործընկերային մթնոլորտում լուծելու Հայաստանի ցանկությունը: Այս մասին հայտարարել է Ռուսաստանի արտգործնախարարության պաշտոնական ներկայացուցիչ Մարիա Զախարովան` մեկնաբանելով ՀՀ պաշտպանության փոխնախարար Հրաչյա Սարգսյանի խոսքերը։

«Մենք կարող ենք միայն ողջունել դա։ Ինչպես հասկանում ենք։ Նման վերաբերմունք ունի նաև Ռուսաստանի Դաշնության պաշտպանության նախարարությունը», – ասել է Զախարովան։

Հիշեցնեն, որ դեկտեմբերի 4-ին Սարգսյանը հայտարարել էր, որ Հայաստանը Ռուսաստանին դատի չի տա զենք չմատակարարելու պատճառով։ «Կարծում եմ՝ հերթը դրան չի հասնի, հարցը գործընկերային հարաբերություններով կլուծվի»,– նշել էր նա։