«Զանգեզուրի միջանցքի» շինարարությունը մոտենում է ավարտին. Հաջիև

«Զանգեզուրի միջանցքի» շինարարությունը Հայաստանի հետ սահմանին մոտենում է ավարտին: Այս մասին գրել է Ադրբեջանի նախագահի օգնական Հիքմեթ Հաջիևը։

«Ադրբեջանը քրտնաջան աշխատում է տարածաշրջանային տրանսպորտային և լոգիստիկ կապերի հաստատման ուղղությամբ»,- նշել է նա։

Ըստ ադրբեջանական լրատվամիջոցների՝ Հաջիևը հավելել է, որ երկաթուղային և ճանապարհային ենթակառուցվածքները, որոնց թվում՝ թունելները, կառուցվում են շատ արագ տեմպերով։

Նա հայտարարել է, որ քննարկվում է միջազգային գործընկերների ներգրավումը Նախիջևանում ավելի քան 188 կիլոմետր երկարությամբ ճանապարհի հատվածում երկաթուղային ենթակառուցվածքների կառուցմանը։