ԵՄ-ն հայտարարել է, որ Վրաստանի անդամակցության գործընթացը կասեցվում է
Բրյուսելի գագաթնաժողովից հետո Եվրամիության ղեկավարները հայտարարեցին, որ Վրաստանի կառավարության գործողությունները հակասում են եվրոպական արժեքներին, հետևաբար այդ երկրի՝ միությանը միանալու գործընթացը դե ֆակտո դադարեցվում է։
Վրաստանի իշխանություններն ավելի վաղ ընդունել են ԵՄ-ում քննադատվող երկու օրենք՝ «Ընտանեկան արժեքների և անչափահասների պաշտպանության մասին», որը նաև հայտնի է որպես ԼԳԲՏ քարոզչությունն արգելող օրենք (շարժումը ճանաչված է որպես ծայրահեղական և արգելված Ռուսաստանի Դաշնությունում) և « Օտարերկրյա ազդեցության թափանցիկության մասին» օրենք, որը նաև հայտնի է որպես «Օտարերկրյա գործակալների մասին» օրենք: ԵՄ-ն քննադատել է այս օրենքները և Թբիլիսիից պահանջել չեղարկել դրանք։
«Եվրամիությունը հիշեցնում է, որ կառավարության այս քայլերը խաթարում է Վրաստանի մուտքը ԵՄ և փաստացի դադարեցնում անդամակցության գործընթացը»,- ասվում է գագաթնաժողովի եզրափակիչ փաստաթղթում։
Եվրոպացի առաջնորդները Վրաստանին կոչ են արել խորը ժողովրդավարական բարեփոխումներ իրականացնել, որոնք համապատասխանում են ԵՄ ինտեգրման պահանջներին։ Եվրոպական խորհուրդը նաև հույս է հայտնել, որ Վրաստանում առաջիկա խորհրդարանական ընտրությունները կանցկացվեն «ազատ և արդար», և տեղական և օտարերկրյա դիտորդներին կտրվի ազատ մուտքի հնարավորություն։
