«Վանաձոր» ՔԿՀ-ում կալանավորի մոտ հայտնաբերվել են արգելված իրեր և թմրամիջոցի նմանվող զանգվածներ

ՔԿՀ ծառայողները հայտնաբերել են թաքցված հեռախոս, լիցքավորման լար, խաղաթղթեր և թմրամիջույթի նմանվող նյութեր:

ՀՀ արդարադատության նախարարության «Վանաձոր» քրեակատարողական հիմնարկի աշխատակիցներն անձնական խուզարկության ժամանակ կալանավորված անձի մոտ հայտնաբերել են մեծ քանակությամբ արգելված իրեր և թմրամիջոցի նմանվող զանգվածներ։

ՆԳՆ ոստիկանության ՀՈԳՎ Իջևանի բաժնից վերադարձված անձը խուզարկվել է տեխնիկական միջոցներով, որի ընթացքում հայտնաբերվել է թաքցված բջջային հեռախոս բաժանորդային քարտով և լիցքավորման լար՝ տեղադրված սննդամթերքի տարայում։

Բացի այդ, կալանավորի հագուստի կոշիկների ներբաններից հայտնաբերվել են դեղնականաչավուն բուսական զանգված՝ ընդհանուր 27,4 գրամ քաշով, և բյուրեղանման փոշեզանգված՝ 2,3 գրամ քաշով, ինչպես նաև 34 հատ գործարանային արտադրության խաղաթուղթ։

Դեպքի առթիվ ձեռնարկվել են համապատասխան միջոցառումներ՝ պարզելու արգելված իրերի և նյութերի ծագումն ու փոխանցման հանգամանքները։