Թրամփը բացառել է 2028-ին փոխնախագահի պաշտոնում առաջադրվելու հնարավորությունը

ԱՄՆ նախագահ Դոնալդ Թրամփը հայտարարել է, որ չի նախատեսում առաջադրվել 2028 թվականի ընտրություններում որպես փոխնախագահ։ «Ես կբացառեի դա, քանի որ դա չափազանց գայթակղիչ է։ Չեմ կարծում, որ մարդկանց դա դուր կգա»,– ասել է Թրամփը լրագրողների հետ զրույցում։

Ավելի վաղ քաղաքական վերլուծաբանները ենթադրել էին, որ Թրամփը կարող է փորձել շրջանցել ԱՄՆ Սահմանադրությամբ սահմանված՝ երկու ժամկետից ավելի նախագահ լինելու արգելքը՝ առաջադրվելով փոխնախագահի պաշտոնի համար։ Այդ դեպքում, տեսականորեն, նախագահի հրաժարականից հետո նա կարող էր կրկին ստանձնել երկրի ղեկավարի պաշտոնը։

Սակայն Թրամփը հստակ նշել է, որ նման սցենարը իր օրակարգում չկա և նման գաղափարը «չափազանց գայթակղիչ է, որպեսզի ընդունելի լինի հասարակության համար»։