«Կիրիլ Դմիտրիևի ԱՄՆ այցը փոքր, բայց կարևոր քայլ է երկխոսության երկար ճանապարհին». Պեսկով
Կրեմլի խոսնակը շեշտել է, որ Մոսկվան և Վաշինգտոնը շարունակում են ոչ պաշտոնական շփումները՝ չնայած լարված հարաբերություններին:
ՌԴ նախագահի մամուլի քարտուղար Դմիտրի Պեսկովը կարևոր է համարել ՌԴ նախագահի հատուկ ներկայացուցիչ Կիրիլ Դմիտրիևի այցը ԱՄՆ՝ ներդրումային և տնտեսական համագործակցության հարցերով։ «Սա շատ կարևոր աշխատանք է, բայց այստեղ, անկասկած, մեծ համբերություն է պետք։ Սա փոքր քայլ է երկար ճանապարհին»,– ասել է Պեսկովը՝ ՌԻԱ Նովոստիի հետ զրույցում։
Նրա խոսքով՝ Ռուսաստանի և Միացյալ Նահանգների միջև ոչ պաշտոնական շփումները մնում են երկխոսության կարևոր բաղադրիչ, հատկապես Վաշինգտոնի կողմից մի շարք ոչ բարեկամական քայլերի ֆոնին։
Պեսկովը նշել է, որ նման շփումները նպաստում են իրավիճակի կայունացմանը և կարող են հիմք հանդիսանալ ապագա պաշտոնական բանակցությունների համար։
