Ուզում եմ հասկանամ Մայր աթոռը պաշտպանելու մեջ ինչ կապ ունի իշխանությունը բռնությամբ զավթելու կոչը. փաստաբան
Միքայել Սրբազանի և Ռուբեն Հակոբյանի գործերը հարուցվել են հունիսի 17-ին հաջորդած ժամանակահատվածում։ Այս մասին 5-րդ ալիքին տված հարցազրույցում ասել է փաստաբան Արամ Վարդևանյանը։
«Ի դեպ կարող եմ պնդում կատարել՝ 20, 30 օրվա ընթացքում ուղարկվել են դատարան։ Սամվել Կարապետյանի գործով հերիք չէ 60 օր քննություն էր իբր տեղի ունեցել, մի հատ էլ երկարաձգվել է ևս 2 ամսով, որ էլի քննություն տեղի ունենա։ Սա իսկապես քրեադատավարական ամենակարևոր երաշխիքներից պատշաճ ջանասիրությամբ տապալումն է՝ ընդհանրապես:
Քննիչը, ներկայացնելով պետությունը, պետք է պարտավորված լինի րոպե շուտ կատարի իր պարտականությունները, որպեսզի անձը երկար չմնա կալանավորված։ Այս պարագայում անձին կալանավորել են զուտ մեկ նախադասության համար, որը խոսքի ազատության տիրույթում է։ Այդ արտահայտության համար դեռևս Սամվել Կարապետյանը կալանավորված է՝ քննությունը որևէ մի գործողություն չանելով։
Ռուբեն Հակոբյանի կալանքը դատավորը վերացրեց նրա համար, որովհետև դա ի վերջո միջին ծանրության ենթադրյալ հանցանք է, որի համար պատիժը սկսում է տուգանքից։
Հիմա ուզում եմ հասկանամ Մայր աթոռը պաշտպանելու մեջ ինչ կապ ունի իշխանությունը բռնությամբ զավթելու կոչը։ Փաստորեն 60 օրից ավելի Սամվել Կարապետյանը կալանավորված է և գիտեք՝ ինչ են ասում, ասում են՝ Սամվել Կարապետյանը, ով հուլիսի 4-ին քաղաքական հայտ էր ներկայացրել, ով այս ողջ ժամանակահատվածում մշտապես հանդես է եկել ՀՀ պետական շահերի դիրքերից, Հայաստանի աամենախոշոր բարերարներից է, այս պայմաններում ինչ են ասում քննիչները, դատախազները և դատարանները, ասում են, որ Սամվել Կարապետյանը կարող է խոչընդոտել քննությանը։
«Մեր ձևով» շարժումը կարելի է ասել ուղիղ դիալեկտիկ կապի մեջ է գտնվում հուլիսի 4-ն Սամվել Կարապետյանի կողմից ներկայացված ուղերձի շեշտադրումներից։ Այսինքն, ի վերջո, Սամվել Կարապետյանը քաղաքական հայտ էր ներկայացրել և արդեն դրա տրամաբանական շարունակությունն է նաև երեկ տեղի ունեցած «Մեր ձևով» շարժման մեկնարկը»,-ասել է Վարդևանյանը։
