Միրզոյանը` Շենգենյան վիզաների տրամադրման գործընթացի մասին
Շենգենյան վիզաների տրամադրման գործընթացն իսկապես մտահոգիչ է: Այս մասին ԱԺ-ում հայտնել է ԱԳ նախարար Արարատ Միրզոյանը:
«Մենք այդ հարցը մեր ԵՄ անդամ երկրների գործընկերների ուշադրությանն ենք ներկայացնում խնդիրները, հնչում են տեխնիկական պատճառաբանություններից մինչև ֆինանսական խնդիրներ։ Լինում են բացառիկ դեպքեր, երբ ընդունում ենք, որ չենք կարծում՝ մեր քաղաքացու նկատմամբ հարգալից վերաբերմունք է դրսևորվում։ Դեպքերի մեծ մասում էլ մենք առարկություն չունենք, դրանք են իրենց ընթացակարգերը»,- նշեց Միրզոյանը։
ԱԳ նախարարն ընդունում է խնդրի լեգիտիմությունը և լավագույն լուծումը համարում վիզաների ազատականացումը, որի դանդաղման մեջ, ըստ նրա, նաև հայկական կողմն է մեղավոր։
